Höttur/Huginn vann heldur óvæntan sigur á toppliðinu
Höttur/Huginn 3 - 1 Ægir
0-1 Jordan Adeyemo ('8 )
1-1 Eyþór Magnússon ('59 )
2-1 Marti Prera Escobedo ('68 )
3-1 Danilo Milenkovic ('90 )
Rautt spjald: Benedikt Darri Gunnarsson ('32, Ægir )
0-1 Jordan Adeyemo ('8 )
1-1 Eyþór Magnússon ('59 )
2-1 Marti Prera Escobedo ('68 )
3-1 Danilo Milenkovic ('90 )
Rautt spjald: Benedikt Darri Gunnarsson ('32, Ægir )
Bottnlið Hattar/Hugins vann heldur óvæntan 3-1 sigur á toppliði Ægis í 2. deild karla á Fellavelli í dag.
Ægismenn, sem hafa verið frábærir í allt sumar, tóku forystuna eins og kannski við var að búast. Það kom lítið á óvart að Jordan Adeyemo hafi skorað markið.
Það gerði hann á 8. mínútu sem var hans sautjánda mark í deildinni í sumar.
Allt stefndi í rétta átt en þá fékk Benedikt Darri Gunnarsson, leikmaður Ægis, tvö gul spjöld með stuttu millibili og var rekinn af velli eftir aðeins hálftímaleik.
Í síðari hálfleik komu heimamenn til baka. Eyþór Magnússon jafnaði metin á 59. mínútu og níu mínútum síðar voru þeir komnir yfir með marki Marti Escobedo.
Þar á milli fékk Arnar Logi Sveinsson, þjálfari Ægis, að líta rauða spjaldið.
Danilo Milenkovic gulltryggði stigin þrjú með marki seint í uppbótartíma og 3-1 sigur Hattar/Hugins staðreynd.
Höttur/Huginn kom sér upp úr botnsæti deildarinnar og í 10. sæti með 17 stig en Ægir er áfram á toppnum með 35 stig. Það gæti þó breyst eftir umferðina.
2. deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Ægir | 17 | 11 | 2 | 4 | 49 - 26 | +23 | 35 |
| 2. Þróttur V. | 18 | 10 | 3 | 5 | 27 - 21 | +6 | 33 |
| 3. Grótta | 18 | 9 | 5 | 4 | 33 - 22 | +11 | 32 |
| 4. Dalvík/Reynir | 17 | 9 | 2 | 6 | 29 - 16 | +13 | 29 |
| 5. Haukar | 18 | 8 | 4 | 6 | 33 - 31 | +2 | 28 |
| 6. Kormákur/Hvöt | 18 | 9 | 1 | 8 | 27 - 31 | -4 | 28 |
| 7. Víkingur Ó. | 18 | 7 | 4 | 7 | 34 - 30 | +4 | 25 |
| 8. KFA | 18 | 7 | 3 | 8 | 46 - 41 | +5 | 24 |
| 9. KFG | 18 | 6 | 2 | 10 | 32 - 44 | -12 | 20 |
| 10. Kári | 18 | 6 | 0 | 12 | 25 - 46 | -21 | 18 |
| 11. Víðir | 17 | 4 | 3 | 10 | 23 - 30 | -7 | 15 |
| 12. Höttur/Huginn | 17 | 3 | 5 | 9 | 21 - 41 | -20 | 14 |
Athugasemdir
