Peter Schmeichel, goðsögn Manchester United, var hissa á liðsvali Ole Gunnar Solskjær í Meistaradeildinni í vikunni.
Solskjær lét í sér heyra eftir 2-1 tap og kenndi bæði dómaranum og gervigrasinu í Sviss um tapið óvænta.
Schmeichel telur hins vegar að Norðmaðurinn hafi ekki spilað besta liði Man Utd sem gæti hafa kostað möguleg stig.
Man Utd lék lengi manni færri í þessum leik eftir rauða spjald Aaron Wan-Bissaka.
„Við getum alltaf sett spurningamerki við liðsvalið. Ég hugsa hins vegar að þegar næsti leikur er gegn West Ham á sunnudag, þetta er fyrsti Meistaradeilddarleikurinn - af hverju spilarðu ekki besta liðinu?" sagði Schmeichel.
„Jafnvel þó þetta sé gervigras, sama hvaða afsakanir poppa upp, náðu í þennan sigur."
Athugasemdir