Síðustu leikjum dagsins er lokið í efstu deild spænska boltans þar sem Atlético Madrid tók á móti Espanyol og lenti undir snemma leiks.
Jofre Carreras skoraði eftir skyndisókn strax á sjöttu mínútu en heimamenn í Madríd stjórnuðu leiknum og skoraði Norðmaðurinn stóri Alexander Sörloth jöfnunarmark af stuttu færi eftir flotta fyrirgjöf frá Marcos Llorente.
Staðan var 1-1 í leikhlé og skiptu lærlingar Diego Simeone um gír í upphafi seinni hálfleiks. Giuliano Simeone, sonur Diego, skoraði eftir laglega sókn þar sem Antoine Griezmann gaf fallega úrslitasendingu skömmu áður en Ademola Lookman tvöfaldaði forystuna.
Lookman tengdi þar við fyrrum liðsfélaga sinn í Atalanta til að skora, bakvörðinn Matteo Ruggeri sem vann fyrsta skallaboltann eftir hornspyrnu til að leggja upp fyrir Lookman sem kláraði með að skutla sér á boltann og stanga hann í netið.
Sörloth setti fjórða mark Atlético með skalla eftir fyrirgjöf frá Ruggeri á 72. mínútu og minnkaði Edu Expósito muninn fyrir gestina með frábæru skoti eftir að boltinn barst til hans fyrir utan vítateig í kjölfar hornspyrnu, svo lokatölur urðu 4-2.
Atlético er í fjórða sæti La Liga með 48 stig eftir 25 umferðir, sex stigum fyrir ofan Real Betis sem gerði jafntefli við Rayo Vallecano í dag.
Hinn þaulreyndi Cédric Bakambu skoraði eftir rúman stundarfjórðung en Isi Palazón jafnaði metin fyrir leikhlé.
Betis var sterkari aðilinn en tókst ekki að knýja fram sigur svo lokatölur urðu 1-1.
Fyrrum úrvalsdeildarleikmennirnir Antony, Pablo Fornals, Marc Roca og Diego Llorente voru í byrjunarliði Betis á meðan Cucho Hernández kom inn af bekknum.
Atletico Madrid 4 - 2 Espanyol
0-1 Jofre Carreras ('6 )
1-1 Alexander Sorloth ('21 )
2-1 Giuliano Simeone ('49 )
3-1 Ademola Lookman ('58 )
4-1 Alexander Sorloth ('72 )
4-2 Edu Exposito ('80 )
Betis 1 - 1 Rayo Vallecano
1-0 Cedric Bakambu ('16 )
1-1 Isi Palazon ('42 )
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Real Madrid | 25 | 19 | 3 | 3 | 54 | 21 | +33 | 60 |
| 2 | Barcelona | 24 | 19 | 1 | 4 | 64 | 25 | +39 | 58 |
| 3 | Villarreal | 24 | 15 | 3 | 6 | 45 | 26 | +19 | 48 |
| 4 | Atletico Madrid | 25 | 14 | 6 | 5 | 42 | 23 | +19 | 48 |
| 5 | Betis | 25 | 11 | 9 | 5 | 40 | 30 | +10 | 42 |
| 6 | Espanyol | 25 | 10 | 5 | 10 | 31 | 37 | -6 | 35 |
| 7 | Celta | 24 | 8 | 10 | 6 | 32 | 27 | +5 | 34 |
| 8 | Athletic | 25 | 10 | 4 | 11 | 29 | 35 | -6 | 34 |
| 9 | Osasuna | 25 | 9 | 6 | 10 | 30 | 29 | +1 | 33 |
| 10 | Real Sociedad | 25 | 8 | 8 | 9 | 37 | 38 | -1 | 32 |
| 11 | Getafe | 24 | 8 | 5 | 11 | 20 | 28 | -8 | 29 |
| 12 | Girona | 24 | 7 | 8 | 9 | 24 | 38 | -14 | 29 |
| 13 | Sevilla | 24 | 7 | 5 | 12 | 31 | 39 | -8 | 26 |
| 14 | Alaves | 24 | 7 | 5 | 12 | 21 | 30 | -9 | 26 |
| 15 | Vallecano | 24 | 6 | 8 | 10 | 22 | 31 | -9 | 26 |
| 16 | Valencia | 24 | 6 | 8 | 10 | 25 | 37 | -12 | 26 |
| 17 | Elche | 25 | 5 | 10 | 10 | 32 | 37 | -5 | 25 |
| 18 | Mallorca | 24 | 6 | 6 | 12 | 29 | 39 | -10 | 24 |
| 19 | Levante | 24 | 4 | 6 | 14 | 26 | 41 | -15 | 18 |
| 20 | Oviedo | 24 | 3 | 8 | 13 | 16 | 39 | -23 | 17 |
Athugasemdir
