Championship: Stefán Teitur byrjaði gegn Millwall

Stefán Teitur Þórðarson var á sínum stað í byrjunarliði Preston North End sem tók á móti Millwall í ensku Championship deildinni í dag.

Heimamenn í liði Preston voru sterkari aðilinn bæði fyrir og eftir leikhlé en áttu í vandræðum með að koma boltanum í netið.

Mihailo Ivanovic tók forystuna fyrir Millwall undir lok fyrri hálfleiks, gegn gangi leiksins, og tókst Emil Riis að jafna fyrir heimamenn í upphafi síðari hálfleiks.

Stefán Teitur lék fyrstu 80 mínútur leiksins og urðu lokatölur 1-1.

Preston og Millwall eru jöfn á stigum í 14.-15. sæti, með 42 stig eftir 33 umferðir.