Kristian gæti þurft að íhuga sína stöðu eftir komu Klaassen
Mynd: EPA
Mynd: EPA
Spiltími Kristians Nökkva Hlynssonar gæti verið af skornum skammti hjá Ajax á þessu tímabili eftir komu Davy Klaassen til félagsins.
Kristian Nökkvi kom ekkert við sögu þriðja leikinn í röð - Valgeir í sigurliði
Kristian er að kljást við meiðsli um þessar mundir og var því ekki í leikmannahópi liðsins þegar Ajax lagði Sittard 5-0 í hollensku deildinni í gær.
Hollenskir fjölmiðlar hafa ritað um stöðu Kristians hjá félaginu en þeir telja að Davy Klaassen muni spila flesta leiki þegar hann er heill á kostnað íslenska miðjumannsins.
Einnig velta hollenskir fjölmiðlar því fyrir sér hvort það sé ekki best fyrir hann að fara á lán. Samkvæmt útreikningum svokallaðs 'Career Advice Tool' á SciSports er Watford besti kosturinn fyrir hann.
Hann mun fá góðan spiltíma, leikkerfið hentar honum og leikstíllinn í ensku Championship deildinni hentar honum. Watford er í 5. sæti Championship deildarinnar með tíu stig eftir fimm umferðir.
