Newcastle er að eiga stórkostlegt tímabil undir stjórn Eddie Howe en það er ótrúlegt hvernig hann hefur breytt fallbaráttuliði í eitt af þeim bestu í deildinni.

Liðið hefur aðeins fengið á sig ellefu mörk í tuttugu leikjum og situr í 3. sæti deildarinnar með 39 stig.

Ekki nóg með það þá hefur liðið ekki tapað í síðustu fimmtán leikjum sínum.

Howe er þar með búinn að skrifa sig í sögubækurnar en hann er fyrsti Englendingurinn sem afrekar þetta. Þá er þetta félagsmet hjá Newcastle í efstu deild.

Alan Pardew fór í gegnum fjórtán leiki með Newcastle án þess að tapa árið 2011 en Howe er nú búinn að mæta það met.