Eiður Smári Guðjohnsen, fyrrum landsliðsmaður og núverandi þjálfari U21 árs landsliðsins, hefur ákveðið að blanda sér í umræðuna um orð sem Mikael Nikulásson, sparkspekingur í Dr. Football, lét falla á dögunum.
Hjörvar Hafliðason stýrir hlaðvarpsþættinum Dr. Football en hann er með þá Kristján Óla Sigurðsson og Mikael Nikulásson með sér þar sem þeir fara yfir víðan völl.
Bílaleigan Avis ákvað á dögunum að styrkja þá í þeirri von um að fá meiri umfjöllun um kvennaboltann en þeir ræddu þar félagaskipti Önnu Bjarkar Kristjánsdóttur yfir í Selfoss.
Talaði Mikael þá um að hún væri á launum sem enginn leikmaður í Pepsi Max-deild kvenna ætti að vera á, hærri laun en margir í karladeildinni væru að fá.
Margar landsliðskonur hafa lýst yfir vonbrigðum sínum með þessa umfjöllun og hefur þetta verið mikið rætt á samfélagsmiðlum síðustu daga.
Eiður Smári ákvað að koma með orðagrín eða einhvers konar rímu á Twitter í kvöld en það má lesa hér fyrir neðan. Hann hefur síðan þá eytt færslunni.
„Sérfræðingur í fótbolta sem allt þykist vita...talaði með rassgatinu og úr því kom skita #drfootball #dontwannabelikemike" skrifaði Eiður en hann eyddi síðan færslunni.
Hann setur þá myllumerkið #drfootball og #dontwannabelikemike þar sem hann vitnar þar í lagið Be Like Mike sem kom fyrst fram í Gatorade auglýsingu með Michael Jordan.
Elísabet Gunnarsdóttir, þjálfari Kristianstad í Svíþjóð, birti tíst fyrr í dag þar sem hún bauð upp á orðagrín og er því kannski hægt að velta því fyrir sér hvort þetta hafi verið svar við því.
„Öll börnin voru i spjótkasti nema Mikki hann skeit á sig i podcasti #orðagrín" skrifaði Elísabet.
Sjá einnig:
Helgi Seljan um Mækarann: Telur sig Mourinho en er í besta falli skeiðklukkueigandi
Twitter - Reiðar íslenskar landsliðskonur
Sérfræðingur í fótbolta sem allt þykist vita...talaði með rassgatinu og úr því kom skita #drfootball #idontwannabelikemike
— Eidur Gudjohnsen (@Eidur22Official) May 21, 2020
Öll börnin voru i spjótkasti nema Mikki hann skeit á sig i podcasti #orðagrín
— Elisabet Gunnarsdótt (@ElisabetGunnarz) May 21, 2020
Athugasemdir