Paulinho hefur ekki getað spilað með Guangzhou á leiktíðinni og er annar Brasilíumaðurinn sem yfirgefur herbúðir félagsins því Anderson Talisca skrifaði undir í Sádí Arabíu í maí.

„Vegna heimsfaraldursins hef ég þurft að kveðja Guangzhou FC. Mér þykir það leitt en ég býst við því að ég komi aftur einn daginn til að sjá ykkur öll aftur," sagði Paulinho.

Paulinho er fyrrum leikmaður Tottenham og Barcelona. Hann lék á sínum ferli 56 landsleiki fyrir Brasilíu.