Arsenal hefur keypt markvörðinn Rúnar Alex Rúnarsson í sínar raðir frá franska félaginu Dijon.
Rúnar Alex skrifaði undir fjögurra ára samning hjá Arsenal í dag en talið er að kaupverðið hljóði upp á 1,6 milljónir punda.
Rúnar Alex skrifaði undir fjögurra ára samning hjá Arsenal í dag en talið er að kaupverðið hljóði upp á 1,6 milljónir punda.
Bernd Leno er aðalmarkvörður Arsenal og Matt Macey hefur byrjað tímabilið sem varamarkvörður en hann gæti verið á förum.
Arsenal hefur einnig verið að skoða David Raya, markvörð Brentford, en það ætti að skýrast á næstu vikum hvort Rúnar verði varamarkvörður Arsenal eða þriðji markvörður.
Hinn 25 ára gamli Rúnar er uppalinn hjá KR en hann gekk í raðir Nordsjælland í Danmörku árið 2014. Þaðan fór hann til Dijon sumarið 2018.
Rúnar Alex verður í treyju númer 13 hjá Arsenal.
Hjá Nordsjælland var markmannsþjálfari hans Inaki Cana en Mikel Arteta fékk hann á síðasta tímabili inn í þjálfarateymi sitt hjá Arsenal.
New club. New country. New number.
— Arsenal (@Arsenal) September 21, 2020
Alex Runarsson. Our No 13 🤝 pic.twitter.com/gqLydIHQvL
Welcome to The Arsenal, Alex Runarsson 🔴
— Arsenal (@Arsenal) September 21, 2020
👋 @runaralex
Athugasemdir