Newcastle er einungis þremur stigum frá fallsæti í ensku úrvalsdeildinni eftir leiki helgarinnar. Newcastle tapaði gegn Manchester United á meðan Fulham, sem er í 18. sæti, lagði Sheffield United.

„Þeir geta klárlega farið niður. Þeir eru komnir í bullandi fallbaráttu því að mér hefur fundist Fulham liðið eiga talsvert inni. Mér finnst nokkuð skemmtilegt að horfa á það lið," sagði Sigursteinn Brynjófsson í hlaðvarpsþættinum „Enski boltinn" í dag.

„Newcastle er ekki að taka stig og áran yfir þeim virðist vera þannig að það sé allt steindautt. Það er ekkert í gangi og það er drulluerfitt þegar komið er í svona bardaga," sagði Magnús Þór Jónsson. „Meðan Fulham er að sparka frá sér þá finnst mér Newcastle ekki vera að gera það. Það er meira líf í kringum Fulham."

Hér að neðan má hlusta á þátt dagsins. Það eru Frumherji, White Fox, Viking gylltur (léttöl) og Domino's sem bjóða upp á þáttinn.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit