Það fóru fjórir leikir fram í 3. deildinni í gær þar sem afar áhugaverð úrslit litu dagsins ljós.
Topplið Augnabliks tapaði fyrsta leiknum sínum á deildartímabilinu. Kópavogsstrákarnir steinlágu á útivelli gegn Magna á Grenivík þar sem Gunnar Darri Bergvinsson setti tvennu í fjögurra marka sigri.
Augnablik er núna með tveggja stiga forystu á toppi deildarinnar og situr Magni í öðru sæti.
Hvíti riddarinn er dottinn niður í þriðja sæti eftir stórt tap á útivelli gegn KV. Samúel Már Kristinsson fór á kostum og skoraði þrennu í 5-2 sigri heimamanna í Vesturbænum.
Leikurinn varð spennandi í síðari hálfleik þegar Mosfellingum tókst að minnka muninn niður í eitt mark en nær komust þeir ekki. KV er núna í fimmta sæti, fjórum stigum á eftir Hvíta riddaranum.
Árbær og Reynir Sandgerði gerðu þá sex marka jafntefli þar sem heimamenn í Árbæ tóku forystuna þrisvar sinnum en alltaf tókst Sandgerðingum að jafna. Jordan Smylie var atkvæðamestur með tvennu.
Árbær er áfram í neðri hluta deildarinnar, með 16 stig eftir 13 umferðir - tveimur stigum fyrir ofan fallsæti. Reynir er í fjórða sæti, fjórum stigum frá öðru sætinu.
Að lokum hafði Sindri betur á útivelli gegn botnliði ÍH. Gestirnir í liði Sindra komust í þriggja marka forystu en ÍH náði að minnka muninn niður í eitt mark án þess þó að jafna. Lokatölur urðu 3-4.
Sindri er jafn Árbæ á stigum í fallbaráttunni á meðan ÍH er tíu stigum frá öruggu sæti.
Magni 4 - 0 Augnablik
1-0 Gunnar Darri Bergvinsson ('7 )
2-0 Bjarki Þór Viðarsson ('37 )
3-0 Gunnar Darri Bergvinsson ('41 )
4-0 Þorsteinn Ágúst Jónsson ('80 )
KV 5 - 2 Hvíti riddarinn
1-0 Eyþór Daði Kjartansson ('3 )
2-0 Samúel Már Kristinsson ('30 )
3-0 Samúel Már Kristinsson ('39 )
3-1 Hilmar Þór Sólbergsson ('48 , Mark úr víti)
3-2 Birkir Örn Baldvinsson ('59 )
4-2 Samúel Már Kristinsson ('69 )
5-2 Ólafur Fjalar Freysson ('72 )
Árbær 3 - 3 Reynir S.
1-0 Brynjar Óli Axelsson ('3 )
1-1 Jordan Smylie ('15 , Mark úr víti)
2-1 Gunnþór Leó Gíslason ('20 )
2-2 Jordan Smylie ('29 )
3-2 Stefán Bogi Guðjónsson ('70 )
3-3 Óðinn Jóhannsson ('82 )
ÍH 3 - 4 Sindri
0-1 Kjartan Jóhann R. Einarsson ('6 )
0-2 Viktor Ingi Sigurðarson ('28 )
0-3 Ragnar Þór Gunnarsson ('45 )
1-3 Brynjar Ásgeir Guðmundsson ('63 )
1-4 Maríus Máni Jónsson ('71 )
2-4 Benjamín Bæring Þórsson ('83 )
3-4 Magnús Stefánsson ('87 )
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
