Byrjunarlið Forest og Liverpool: Fimm breytingar hjá Klopp - Trent á bekknum

Forest er nýliði í deildinni en liðinu hefur gengið illa á þessari leiktíð og vermir það botnsætið. Gestirnir frá Liverpool hafa verið að rétta úr kútnum eftir erfiða byrjun en liðið situr í sjöunda sæti deildarinnar.

Forest er einungis með sex stig en liðið náði þó að halda hreinu í síðasta deildarleik sínum gegn Brighton en honum lauk með markalausu jafntefli. Liverpool hefur unnið tvo sigra í röð sem hafa báðir endað 1-0.

Steve Cooper, stjóri Forest, gerir tvær breytingar frá jafnteflisleiknum gegn Brighton. Kouyate og Awoniyi koma inn fyrir þá Mangala og Johnson.

Jurgen Klopp, stjóri Liverpool, gerir alls fimm breytingar á sínu liði sem vann West Ham í miðri viku.

James Milner, Andy Robertson, Fabinho, Jones og Elliot kom allir inn en út fara Darwin Nunez, Trent Alexander-Arnold, Kostas Tsimikas, Jordan Henderson og Thiago.

Nunez er meiddur á læri svo hann er ekki í leikmannahópnum í dag.

Forest: Henderson, Williams, Cook, McKenna, Aurier, Freuler, Yates, Kouyate, Lingard, Gibbs-White, Awoniyi.
(Varamenn: Hennessey, Biancone, Worrall, Mangala, Surridge, Johnson, Dennis, Boly, Lodi.)

Liverpool: Alisson, Milner, Gomez, Van Dijk, Robertson, Fabinho, Jones, Elliot, Carvalho, Salah, Firmino.
(Varamenn: Adrian, Kelleher, Henderson, Oxlade-Chamberlain, Tsimikas, Clark, Bajcetic, Phillips, Alexander-Arnold.)