Yuito Suzuki og Johan Manzambi komu Freiburg í tveggja marka forystu á fimm mínútna kafla í byrjun fyrri hálfleiks, en það sló ekki Bayern út af laginu.

Hinn 17 ára Lennart Karl hóf endurkomu Bayern á 22. mínútu og jafnaði Michael Olise metin í uppbótartíma fyrri hálfleiks. Bayern komið aftur inn í leikinn.

Í seinni gekk Bayern frá gestunum með fjórum mörkum. Dayot Upamecano og Harry Kane komu Bayern í tveggja marka forystu á fimm mínútum áður en Nicolas Jackson bætti við fimmta eftir stoðsendingu Olise.

Olise kórónaði frábæra frammistöðu sína með öðru marki sínu undir lok leiks og lokatölur 6-2, Bayern í vil. Bayern er á toppnum með 31 stig, átta stigum meira en Bayer Leverkusen sem vann Wolfsburg 3-1.

Borussia Dortmund og Stuttgart gerðu ótrúlegt 3-3 jafntefli þar sem Deniz Undav skoraði þrennu fyrir gestina og er nú kominn með sex mörk í deildinni.

Gladbach vann Heidenheim, 3-0, og þá mörðu tíu leikmenn Augsburg 1-0 sigur á Hamburger SV.

Úrslit og markaskorarar:

Wolfsburg 1 - 3 Bayer
0-1 Jonas Hofmann ('9 )
0-2 Edmond Tapsoba ('24 )
0-3 Malik Tillman ('33 )
1-3 Denis Vavro ('57 )

Bayern 6 - 2 Freiburg
0-1 Yuito Suzuki ('12 )
0-2 Johan Manzambi ('17 )
1-2 Lennart Karl ('22 )
2-2 Michael Olise ('45 )
3-2 Dayot Upamecano ('55 )
4-2 Harry Kane ('60 )
5-2 Nicolas Jackson ('78 )
6-2 Michael Olise ('84 )

Borussia D. 3 - 3 Stuttgart
1-0 Emre Can ('34 , víti)
2-0 Maximilian Beier ('41 )
2-1 Deniz Undav ('47 )
2-2 Deniz Undav ('71 )
3-2 Karim Adeyemi ('89 )
3-3 Deniz Undav ('90 )

Heidenheim 0 - 3 Borussia M.
0-1 Kevin Diks ('45 , víti)
0-2 Haris Tabakovic ('55 )
0-3 Shuto Machino ('76 )

Augsburg 1 - 0 Hamburger
1-0 Anton Kade ('76 )
Rautt spjald: Keven Schlotterbeck, Augsburg ('81)