Fabio Carvalho, leikmaður Brentford í ensku úrvalsdeildinni, verður frá út tímabilið eftir að hafa slitið krossband.
Portúgalski leikmaðurinn hefur lítið fengið að spila með Brentford á tímabilinu og var hann byrjaður að hugsa sér til hreyfings í janúarglugganum áður en hann meiddist á hné.
Brentford hefur nú staðfest að Carvalho verði ekki meira með á tímabilinu eftir að hafa slitið krossband.
Hann fer í aðgerð á næstu dögum og við tekur langt endurhæfingaferli.
Carvalho, sem er 23 ára gamall, gekk í raðir Brentford frá Liverpool á síðasta ári og komið við sögu í 33 leikjum.
Athugasemdir
