Coventry hefur verið á miklu flugi í byrjun leiktíðar og aðeins tapað einum leik.

Það tap kom gegn nýliðum Wrexham í lok október, en þeir voru fljótir að hrista það af sér og unnu nú þriðja leikinn í röð.

Ekki byrjaði það neitt frábærlega. Aune Heggebo kom WBA í tveggja marka forystu á rúmum hálftíma áður en Josh Eccles skoraði mikilvæga þriðja mark leiksins undir lok hálfleiksins og minnkaði muninn fyrir heimamenn.

Jayson Molumby, leikmaður WBA, sá rautt í byrjun síðari hálfleiks og í kjölfarið reið Coventry á vaðið og skoraði tvö mörk á fimm mínútum.

Coventry er á toppnum með 37 stig eftir sextán umferðir, átta stigum meira en Middlesbrough sem er í öðru sæti.

Southampton pakkaði Charlton saman, 5-1. Finn Azaz skoraði tvö fyrir gestina og kom Southampton upp í 13. sæti með 21 stig.

Bristol City vann Swansea City, 3-0 og er komið aftur á sigurbraut eftir að hafa farið í gegnum þrjá leiki án sigurs.

Bristol-menn eru í 4. sæti með 26 stig en Swansea í 19. sæti með 17 stig.

Coventry 3 - 2 West Brom
0-1 Aune Heggebo ('9 )
0-2 Aune Heggebo ('32 )
1-2 Josh Eccles ('41 )
2-2 Ellis Simms ('56 )
3-2 Victor Torp ('61 )
Rautt spjald: Jayson Molumby, West Brom ('49)

Bristol City 3 - 0 Swansea
1-0 Rob Dickie ('4 )
2-0 Emil Riis ('31 )
3-0 Yu Hirakawa ('82 )

Charlton Athletic 1 - 5 Southampton
0-1 Ryan Manning ('14 )
0-2 Adam Armstrong ('16 )
0-3 Caspar Jander ('20 )
0-4 Finn Azaz ('22 )
0-5 Finn Azaz ('43 )
1-5 Lloyd Jones ('45 )