Byrjunarlið Íslands - Gulli Victor í bakverði og Arnór Ingvi á miðju

Búið er að opinbera byrjunarlið Íslands fyrir fyrsta leikinn í undankeppni EM 2024. Okkar strákar hefja sína vegferð á erfiðum útivelli í Bosníu.

Aron Einar Gunnarsson er í leikbanni og Sverrir Ingi Ingason er meiddur. Það er stór skörð sem eru höggvin í okkar lið.

Það var umræða um það að Guðlaugur Victor Pálsson færi í miðvörðinn eftir meiðsli Sverris, en hann byrjar í hægri bakverði í þessum leik. Daníel Leó Grétarsson kemur inn í miðvörðinn og leikur þar við hlið Harðar Björgvins Magnússonar.

Arnór Ingvi Traustason, leikmaður Norrköping, kemur inn á miðjuna og verður þar fyrir aftan Jóhann Berg Guðmundsson, fyrirliða, og Hákon Arnar Haraldsson, mest spennandi leikmann liðsins.