Willum Þór Willumsson og félagar í Go Ahead Eagles eru skrefi nær Sambandsdeildinni eftir sigur á NEC Nijmegen í kvöld.
Í Hollandi er spilað í útsláttakeppni um sæti í Sambandsdeildinni á næstu leiktíð en liðin í 6. - 9. sæti keppast um þetta eina sæti. NEC hafnaði í sjötta sæti og GA Eagles í 9. sæti.
Willum var ekki með í kvöld vegna meiðsla. Það var markalaust í hálfleik en NEC komst yfir. Ernirnir svöruðu með tveimur mörkum og 2-1 því lokatölur.
Go Ahead Eagles mætir annað hvort Utrecht eða Sparta Rotterdam í úrslitunum en sá leikur er í gangi og staðan markalaus eftir um tuttugu mínútna leik.
Athugasemdir