Breiðablik mætir finnsku meisturunum
Breiðablik mætir finnsku meisturunum í KuPS í 2. umferð í deildarkeppni Sambandsdeildar Evrópu á Laugardalsvelli klukkan 16:45 í dag.
Ólafur Ingi Skúlason mun stýra Blikum í fyrsta sinn, en hann tók við liðinu af Halldóri Árnasyni sem var látinn taka poka sinn aðeins tveimur mánuðum eftir að hafa gert langtímasamning við félagið.
Frumraun Ólafs er á hans gamla vinnustað, Laugardalsvelli, en hann þjálfaði áður yngri landslið Íslands við góðan orðstír.
Blikar töpuðu fyrsta leik sínum í keppninni fyrir svissneska liðinu Lausanne Sport, en mæta nú finnsku meisturunum í KuPS, sem eru líklegir til þess að verja titilinn í ár.
KuPS er með fjögurra stiga forystu á toppnum þegar fjórar umferðir eru eftir af finnsku deildinni.
Leikur dagsins:
16:45 Breiðablik-KuPS Kuopio (Laugardalsvöllur)
Sambandsdeildin
| Lið | L | U | J | T | Mörk | mun | Stig |
|---|
Athugasemdir
