„Mér fannst við mjög slakir í fyrri hálfleik en svo fannst mér við koma betur inn í seinni en gefum ekki í að neinu viti fyrr en við jöfnum," segir Jökull Elísabetarson, þjálfari Stjörnunnar, eftir 1-1 jafntefli, gegn Fram.
Lestu um leikinn: Fram 1 - 1 Stjarnan
Stjarnan hefði tryggt Evrópusæti með sigri, þessi í stað er liðið á leið í úrslitaleik gegn Breiðabliki.
„Mér fannst miðað við hvaða gír við vorum í undir lok leiks að við værum með það hugarfar að við ætluðum að klára þetta, mér fannst við ekki koma þannig inn í byrjum leiks. Hefði verið gaman að sjá okkur siglu þessu en við klárum þetta þá bara heima með fólkinu okkar."
Birnir Snær Ingason var fyrr í dag orðaður við Stjörnuna. Jökull var spurður hvort hann væri á leið í Garðabæinn.
„Ekki svo ég viti. Hann er leikmaður KA og er góður leikmaður. Við höfum ekkert verið í samskiptum við hann."
Eins og áður segir er fram undan úrslitaleikur hjá Stjörnunni gegn Breiðabliki þar sem Evrópusæti er undir.
„Þetta verðu hörkuliður tveggja góðra liða. Þeir verða orkumiklir og vilja sýna sig fyrir nýjum þjálfara. Við þurfum að sækja til sigurs."
Halldór Árnason var látinn fara frá Breiðabliki í dag og Ólafur Ingi Skúlason tók við.
„Hann er búinn að vinna frábært starf á innan við tveimur tímabilum. Per tímabil hefur enginn afrekað meira en hann í íslenskum fótbolta. Hann er góður vinur minn og ég held hann gangi stoltur frá borði."
Athugasemdir
