Nuno Espírito Santo þjálfari West Ham var kátur með stig eftir erfiðan leik í Bournemouth í ensku úrvalsdeildinni í gær.
Callum Wilson skoraði tvennu fyrir Hamrana í nokkuð jöfnum fyrri hálfleik en heimamenn í liði Bournemouth stjórnuðu gangi mála eftir leikhlé. Andoni Iraola gerði tvöfalda skiptingu til að breyta um leikkerfi þar sem Ryan Christie og Álex Jiménez komu inn á völlinn og breyttu gangi mála.
Bournemouth lá í sókn og fékk hvert fætið á fætur öðru. Heimamönnum tókst að skora tvö mörk til að jafna leikinn og geta gestirnir þakkað Alphonse Areola markverði fyrir að hafa bjargað stiginu með mögnuðum markvörslum.
„Þetta var mjög erfiður leikur. Við refsuðum fyrir þeirra mistök í fyrri hálfleik og í seinni hálfleik refsuðu þeir okkur. Þetta var góður slagur og við tökum ýmislegt jákvætt úr þessu," sagði Nuno sem var svo spurður nánar út í seinni hálfleikinn.
„Þeir byrjuðu að pressa okkur stíft og við náðum ekki að brjótast út svo við fengum aldrei neinn tíma til þess að draga andann. Bournemouth á hrós skilið fyrir þunga pressu en við áttum að vera betri í að leysa úr henni. Þetta var verulega erfiður leikur gegn sterkum andstæðingum, þeir gerðu skiptingar í hálfleik sem breyttu leiknum. Við vitum að þeir eru með mjög gott fótboltalið og þeir sýndu það."
Nuno hrósaði Callum Wilson að leikslokum og stuðningsmönnunum sem fylgdu liðinu til Bournemouth.
„Þetta snýst ekki um stöðuna á töflunni heldur hvernig við erum að spila. Við sýndum sterkt hugarfar til að halda í jafntefli í dag og við verðum að byggja á því. Við erum búnir að vera góðir í síðustu heimaleikjum og núna þurfum við að halda áfram á sömu braut."
Hamrarnir taka á móti Englandsmeisturum Liverpool næstu helgi.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
