Keith Andrews þjálfari Brentford svaraði spurningum frá fréttamönnum eftir 2-1 tap gegn Brighton í ensku úrvalsdeildinni í gær.
Brentford tók forystuna í fyrri hálfleik en missti hana niður eftir leikhlé.
„Það eru einhver atriði sem ég var ekki ánægður með, sérstaklega hvað við gáfum þeim boltann alltof auðveldlega á köflum. Ég er ánægður með hvað við vorum góðir varnarlega og gáfum lítið af færum á okkur en leikurinn breyttist eftir að þeir skoruðu jöfnunarmarkið," sagði Andrews.
„Þetta var ekki slæm frammistaða. Ef við hefðum náð 2-2 jafntefli þá hefðum við getað verið ánægðir með þessa frammistöðu, mér fannst við eiga fínan leik á erfiðum útivelli. Við hristum þetta af okkur og höldum áfram á okkar braut."
Igor Thiago skoraði fyrsta mark leiksins úr vítaspyrnu og steig svo aftur á vítapunktinn í uppbótartíma en brenndi þá af. Hann skaut boltanum hnitmiðað í hornið en Bart Verbruggen varði mjög vel. Igor þurfti þó að bíða heillengi með að taka vítaspyrnuna eftir athugun í VAR-herberginu og kvartaði Andrews undan þeirri bið.
Verbruggen ataðist í Igor og tafði vítaspyrnuna eins og hann gat, svo lengi að Chris Kavanagh dómari ákvað að gefa honum gult spjald.
„Svona er fótboltinn í dag, það er fáránlegt hversu langur tími þarf að líða frá því að dómarinn flautar vítaspyrnu og þangað til boltanum er spyrnt. Þetta er stór breyting frá því í fortíðinni og þetta er ákveðin áskorun fyrir leikmenn sem taka vítaspyrnur.
„Í dag þurfa leikmenn að eiga við öll lætin sem eru í kringum vítaspyrnur, langar athuganir í VAR-herberginu og hegðun markvarða sem fá svo gult spjald fyrir. Það er allt annað að taka vítaspyrnur í dag miðað við fyrir nokkrum árum.
„Því miður tókst Thiago ekki að skora úr þessari vítaspyrnu en hann hefur verið frábær fyrir okkur hingað til á tímabilinu."
Brentford er um miðja úrvalsdeild með 16 stig eftir 12 umferðir.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
