Knattspyrnudeild Magna Grenivíkur birti tilkynningu á vefsvæði sínu á Facebook í kvöld en þar kemur fram að fólk hefur undanfarna daga verið að keyra yfir Grenivíkurvöll á snjósleðum.
Magnamenn undirbúa sig fyrir átökin í 1. deildinni í sumar en völlur liðsins er þakinn snjó á þessum árstíma.
Sleðavanir menn hafa verið að keyra yfir völlinn síðustu daga og eru Magnamenn ósáttir við þetta.
Öll sleðaumferð er bönnuð á vellinum og er fólk vinsamlegast beðið um að virða það.
„Takið eftir!
Akstur snjósleða er stranglega bönnuð á og við Grenivíkurvöll. Borið hefur á því síðustu vikuna og í dag að sleðar eru að keyra yfir völlinn, við viljum vinsamlegast koma því á framfæri við íbúa að láta það berast að öll sleðaumferð er stranglega bönnuð á Grenivíkurvelli," er skrifað á síðu Magna.
Athugasemdir
