Liðin skildu jöfn 1-1 þar sem City sótti meira en tókst ekki að skora fleiri mörk. Pep gerði breytingu í hálfleik þar sem hann tók Sergio Aguero útaf og setti Phil Foden inn á. Foden skoraði eftir fimm mínútur inni á vellinum.

„Við byrjuðum vel. Þeir skoruðu mark úr sinni fyrstu alvöru sókn. Þeir vörðust mjög aftarlega og við fengum tækifæri til að skora. Núna þurfum við að halda áfram," sagði Guardiola.

„Mér fannst við ekki spila illa, nema kannski síðustu 10 minútur fyrri hálfleiksins. Aguero fann fyrir einhverjum meiðslum en ég veit ekki hvað það er."

„Hann gefur okkur alltaf þetta auka sem þarf," sagði Guardiola um innkomu Foden.