Máni vill stjóraskipti hjá Leeds - „Liðið hefur enga hugmynd“

Máni Pétursson.

Mynd: Fótbolti.net

Jesse Marsch, stjóri Leeds.

Mynd: EPA

Máni Pétursson.

Mynd: Fótbolti.net

Leeds United tapaði niður forystu og beið lægri hlut fyrir Fulham 3-2 í ensku úrvalsdeildinni í gær. Liðið hefur farið illa með færi sín, gert barnaleg mistök varnarlega og er nú komið niður í fallsæti.

Máni Pétursson, stuðningsmaður Leeds, vill að bandaríski stjórinn Jesse Marsch verði látinn taka pokann sinn. Eftir tap gegn Leicester í síðustu viku skrifaði Máni á Twitter:

„Jæja hann fær einn leik í viðbót. Þessi framistaða var jafn léleg og Arsenal frammistaðan var góð."

Yfir leiknum í gær skrifaði svo Máni:

„Jæja síðustu 45 mínúturnar hans Jesse framundan. Þetta er bara alls ekki nógu gott færri stig en hjá Bielsa á sama tíma í fyrra. Þá voru allir meiddir og lítið fjárfest. Nú allir heilir og mikið fjárfest og liðið hefur enga hugmynd."

Fleiri íslenskir stuðningsmenn Leeds kalla eftir stjóraskiptum á Twitter, Guðmundur Marinó Ingvarsson skrifaði í leiknum gegn Leicester:

„Þessi Ted Lasso brandari er fyrir löngu hættur að vera fyndinn. Reka manninn í hálfleik takk."

Sjálfur lætur Marsch engan bilbug á sér finna og sagði eftir leikinn í gær:

„Ég er kominn hérna í langtímaverkefni. Ég elska félagið, ég geri allt sem ég get til að bæta liðið. Ég skil pirring stuðningsmanna og liðið er jafn mikið pirrað. Við erum að gera allt sem við getum og stöndum saman. Ég og stjórnin stöndum saman og tölum opinberlega um það," sagði March.

Þá sagði fyrirliðinn Liam Cooper að leikmenn stæðu algjörlega við bakið á stjóranum og hans hugmyndafræði.

Jesse Marsch, stjóri Leeds.

Mynd: EPA

Premier league - karlar

#	Lið	L	mun	Stig
1	Arsenal	10	+10	27
2	Brighton	10	+19	22
3	Man City	10	+8	21
4	Liverpool	10	+4	18
5	Chelsea	10	+3	16
6	Everton	10	+2	16
7	Bournemouth	10	+2	15
8	Brentford	10	+5	14
9	Leeds	10	+2	14
10	Aston Villa	10	-3	13
11	Tottenham	10	-1	12
12	Newcastle	10	-3	12
13	Hull City	10	0	11
14	Ipswich Town	10	-5	11
15	Fulham	10	-2	10
16	Nott. Forest	10	-4	9
17	Coventry	10	-9	9
18	Man Utd	10	-5	8
19	Sunderland	10	-9	8
20	Crystal Palace	10	-14	7