Þetta var í fyrsta sinn sem kvennalið West Ham vinnur Tottenham og var Dagný hetjan. Hún talaði um það eftir leik - í samtali við vefsíðu West Ham - að það hefði verið sérstaklega gaman að skora gegn Spurs út af rígnum sem er á milli félaganna.

Á heimasíðu West Ham voru tekin saman fimm atriði sem félagið elskaði við sigurinn á Tottenham. Þar er efst á lista mark Dagnýjar í grannaslagnum.

„Það var eins og einhver hefði skrifað þetta handrit; Dagný Brynjarsdóttir, sem hefur stutt West Ham alla sína ævi, gerði gæfumuninn á köldu kvöldi í Austur-London."

Hægt er að skoða greinina hérna.

Dagný var valin í lið vikunnar á Englandi fyrir frammistöðu sína.