Egyptar eru komnir áfram í 16-liða úrslit
Egyptaland 1 - 0 Suður-Afríka
1-0 Mohamed Salah ('45, víti )
Rautt spjald: Mohamed Hany (Egyptaland, '45)
1-0 Mohamed Salah ('45, víti )
Rautt spjald: Mohamed Hany (Egyptaland, '45)
Sigursælasta þjóð í sögu Afríkukeppninnar, Egyptaland, er komið áfram í 16-liða úrslit keppninnar eftir að hafa unnið Suður-Afríku, 1-0, í Agadir í Marokkó í dag.
Mohamed Salah, aðalstjarna Egypta, skoraði sigurmarkið undir lok fyrri hálfleiks. Hann fiskaði vítaspyrnu er varnarmaður Suður-Afríku sló hann í andlitið.
Salah var öryggið uppmálað á punktinum og kom Egyptum í forystu en aðeins nokkrum mínútum síðar var nafni hans og liðsfélagi, Mohamed Hany, rekinn af velli með sitt annað gula spjald.
Þetta neyddi Egypta í breytingar í hálfleik og var það Omar Marmoush, leikmaður Man City, sem var tekinn af velli og miðjumaðurinn Emam Ashour settur inn á í staðinn.
Suður-Afríkumenn vildu fá vítaspyrnu undir lok leiks er boltanum var skotið í höndina á varnarmanni Egypta en ekkert var dæmt þrátt fyrir skoðun VAR. Það var kannski skiljanlegt að Suður-Afríkumenn hafi verið brjálaðir enda virtist þetta klárt víti. Mynd af því má sjá neðst í fréttinni en dómarinn dæmdi aukaspyrnu í stað vítaspyrnu þegar leikmaðurinn virðist snerta boltann innan teigs.
Tíu leikmenn Egypta stálheppnir. Þeir héldu út og eru komnir áfram í 16-liða úrslitin og geta því leyft sér að hvíla lykilmenn þegar þeir mæta Angóla í lokaumferðinni.
???? - THIS IS CRAZY! THIS WAS NOT A PENALTY FOR SOUTH AFRICA IN THE LAST MINUTES OF THE GAME AGAINST EGYPT!
— The Touchline | ???? (@TouchlineX) December 26, 2025
CRAZY, CRAZY, CRAZY! THE SOUTH AFRICA FANS ARE ANNOYED! pic.twitter.com/eqqPexB7KP
Athugasemdir
