Manchester United hefur kallað miðjumanninn Toby Collyer til baka úr láni frá WBA í ensku B-deildinni en þetta segir Laurie Whitwell hjá Athletic.
Collyer, sem er 21 árs gamall, fór til WBA í sumar á láni út tímabilið en hann meiddist á kálfa og verður frá næstu átta vikurnar.
Man Utd hefur því ákveðið að kalla hann til baka og ólíklegt að hann verði lánaður aftur út.
Hugað verður að meiðslum hans í Manchester og möguleiki á að hann verði partur af aðalliðinu fyrir síðari hluta mótsins.
Collyer á þrettán leiki fyrir United, þar af tíu undir stjórn Ruben Amorim.
Athugasemdir
