Hugo Broos, þjálfari Suður-Afríku, var brjálaður yfir dómgæslunni í 1-0 tapinu gegn Egyptalandi í Afríkukeppninni í gær, en það komu upp tvö mjög svo umdeild atvik í leiknum.
Mohamed Salah skoraði sigurmark Egypta með marki úr vítaspyrnu sem hann fiskaði sjálfur undir lok fyrri hálfleiks eftir að leikmaður Suður-Afríku sló hann í andlitið. Af endursýningu að dæma virkaði þetta fremur ódýrt.
Broos sagðist hafa talað við Salah eftir leikinn og kom það Egyptanum á óvart að hann hafi fengið vítaspyrnu.
„Jafnvel Mo Salah sagði við mig eftir leikinn að hann hafi verið hissa yfir því að dómarinn hafi dæmt vítaspyrnu. Þetta var algerlega fáránlegt,“ sagði Broos.
Undir lok leik var annað umdeilt atvik en í þetta sinn við teig Egypta er varnarmaður þeirra handlék boltann. VAR taldi handlegginn hafa verið í náttúrulegri stöðu en Broos var ekki sammála því.
„Seinna var vítaspyrnu því hann teygði út handlegginn frá líkamanum og boltinn fór í hann. En allt í einu er komin regla um stuðningshöndina. Hvað er það?“
„Það eru svo margar reglur hvort þetta sé vítaspyrna eða ekki þannig að fólk veit ekki lengur hvað þá á að ákveða,“ sagði hann í lokin.
Steven Pienaar, fyrrum landsliðsmaður Suður-Afríku, birti færslu á X þar sem hann gagnrýndi dómarateymi leiksins.
„Vel gert Bafana Bafana, en við getum ekki spilað gegn Eyptalandi og dómurunum,“ sagði Pienaar á X.
How this is not a penalty is beyond my football knowledge.
— Benie™ ???????? (@_benie) December 26, 2025
The center referee was only given one angle to view by the VAR which wasn't clear enough.
South Africa have been robbed a point by the poor level of referring.#TotalEnergiesAFCON2025pic.twitter.com/mynL8hEYvi
Athugasemdir
