Pep Guardiola, stjóri Manchester City, mun taka ákvörðun í dag varðandi það hvort spænski miðjumaðurinn Rodri verði með gegn Nottingham Forest eða ekki.
Rodri hefur ekkert spilað með Man City síðan í nóvember og halda erfið meiðsli áfram að plaga hann.
Spánverjinn vann Ballon d'Or verðlaunin á síðasta ári fyrir frábæra frammistöðu með City og spænska landsliðinu, en sleit krossband og ekki náð sér almennilega eftir það.
Það er möguleiki á að hann komi aftur inn í hópinn gegn Forest í hádegisleiknum í dag, en Guardiola hefur ekki tekið lokaákvörðun.
Jeremy Doku og John Stones eru á meiðslalistanum hjá Man City en Doku hefur misst af síðustu þremur leikjum á meðan Stones hefur misst af síðustu fimm.
Man City getur með sigri á Forest komið sér í toppsæti ensku úrvalsdeildarinnar.
Athugasemdir
