Dorgu fagnar markinu
Danski landsliðsmaðurinn Patrick Dorgu var að koma Manchester United í 1-0 gegn Newcastle United á Old Trafford, en þetta var fyrsta deildarmark hans fyrir félagið.
Dorgu hafði skorað með Man Utd gegn Bournemouth í sumarseríu deildarinnar á undirbúningstímabilinu, en aldrei gert keppnismark frá því hann kom frá Lecce í byrjun ársins.
Hann skoraði fyrsta mark sitt í kvöld með stórglæsilegu skoti eftir innkast Diogo Dalot.
Innkastið var skallað út í teiginn og mætti Dorgu á ferðinni og þrumaði boltanum neðst í vinstra hornið með viðstöðulausu skoti á lofti.
Alvöru fyrsta mark hjá Dorgu en það má sjá hér fyrir neðan.
Sjáðu markið hjá Dorgu
Athugasemdir
