Brescia tapaði fyrir Monza, 1-0, í B-deildinni á Ítalíu í kvöld en Hólmbert Aron Friðjónsson kom inná sem varamaður í leiknum.
Hólmbert Aron byrjaði á bekknum en hann er að komast af stað eftir meiðsli sem hann varði fyrir í Noregi.
Hann gekk til liðs við Brescia í byrjun október en var að spila annan leik sinn fyrir félagið í kvöld.
Hólmbert kom inná sem varamaður á 88. mínútu og nældi sér í gult spjald í uppbótartíma.
Monza hafði 1-0 sigur en það er í eigu Silvio Berlusconi, fyrrum forsætisráðherra Ítalíu.
Kevin Prince-Boateng var í byrjunarliðini Monza á meðan Mario Balotelli var ekki í hóp. Birkir Bjarnason var þá fjarri góðu gamni hjá Brescia. Monza er í 2. sæti deildarinnar með 34 stig en Brescia í 13. sæti með 21 stig.
Athugasemdir