Fótboltasamband Afríku og alþjóðasambandið FIFA hafa sent samúðarkveðjur til fjölskyldna þeirra sem létust. Tvö börn, átta og fjórtán ára, voru meðal þeirra sem létust.

Mikill troðningur skapaðist við hliðin fyrir utan völlinn en margir mættu miðalausir í þeirri von að geta séð leik heimamanna í Kamerún gegn Komóreyjum.

Afríska fótboltasambandið sagði í yfirlýsingu að verið væri að rannsaka það sem gerðist. Leikur Kamerún og Kómoreyja fór fram en leikmenn vissu ekki af troðningnum fyrr en eftir leikinn. Kamerún vann 2-1.

Patrice Motsepe, forseti afríska sambandsins, heimsótti slasaða stuðningsmenn á sjúkrahúsið. Hann segir að sambandið, mótshaldarar og ríkisstjórn Kamerún þurfi að taka ábyrgð á því sem gerðist.

Leikur í 8-liða úrslitum sem átti að vera á vellinum á sunnudag hefur verið færður á Ahmadou Ahidjo leikvanginn í Jánde. Enn er þó áætlað að annar af undanúrslitaleikjunum og úrslitaleikurinn verði á leikvangnum.