Championship: Fyrsta mark Stefáns kom í mikilvægum sigri - Gott stig hjá Guðlaugi Victori

Stefán Teitur skoraði fyrsta deildarmark sitt með Preston

Mynd: Getty Images

Guðlaugur Victor og hans menn náðu í stig gegn Sunderland

Mynd: Getty Images

Stefán Teitur skoraði fyrsta deildarmark sitt með Preston

Mynd: Getty Images

Skagamaðurinn Stefán Teitur Þórðarson var á skotskónum er Preston vann annan deildarleikinn í röð með því að leggja Middlesbrough að velli, 2-1, á Deepdale-leikvanginum í dag.

Stefán, sem samdi við Preston síðasta sumar, hafði ekki skorað fyrir liðið fram að leiknum í dag, en hann opnaði markareikninginn á 28. mínútu.

Allt opnaðist vinstra megin á vellinum. Stefán tók hlaupið, skar sig inn í átt að markinu og smellti boltanum fallega í netið. Laglegt fyrsta mark hjá landsliðsmanninum.

Hann fór af velli þegar hálftími var eftir, þá í stöðunni 1-1, en Preston tókst að skora sigurmarkið á 78. mínútu og tryggja sér þar með annan sigurinn í röð.

Preston er í 14. sæti með 37 stig eftir 29 leiki.

Guðlaugur Victor Pálsson var í vörn Plymouth sem náði í sterkt stig í 2-2 jafnteflinu gegn Sunderland.

Það hefur verið þungt andrúmsloftið í kringum Plymouth á þessu tímabili, en Miron Muslic, nýr stjóri liðsins, ætlar að ná að snúa genginu við og treystir hann á Guðlaug Victor.

Landsliðsmaðurinn hefur verið fastamaður í vörninni undir stjórn Muslic. Plymouth var marki undir þegar lítið var eftir en þá skoraði varnarmaðurinn Nathanael Ogbeta jöfnunarmarkið og gaf sínum mönnum ágætis orku fyrir framhaldið.

Plymouth er áfram á botninum með 22 stig en aðeins sjö stigum frá öruggu sæti.

Arnór Sigurðsson var ekki með Blackburn Rovers sem tapaði fyrir Bristol City, 2-1, en það er mjög stutt í endurkomu hans á völlinn. Vængmaðurinn er byrjaður að æfa á grasi og fáum við mögulega að sjá hann aftur á vellinum í febrúar.

Bristol City 2 - 1 Blackburn
1-0 Scott Twine ('12 )
1-1 Andreas Weimann ('40 )
2-1 Nahki Wells ('77 )

Cardiff City 2 - 1 Derby County
1-0 Callum Robinson ('62 )
2-0 Anwar El Ghazi ('64 )
2-1 Lars-Jorgen Salvesen ('71 )

Coventry 2 - 1 Watford
1-0 Victor Torp ('32 )
2-0 Victor Torp ('75 )
2-1 Liam Kitching ('82 , sjálfsmark)

Preston NE 2 - 1 Middlesbrough
1-0 Stefan Teitur Thordarson ('28 )
1-1 Delano Burgzorg ('52 )
2-1 Emil Riis Jakobsen ('78 )

QPR 0 - 2 Sheffield Wed
0-1 Michael Smith ('72 )
0-2 Callum Paterson ('88 )

Sunderland 2 - 2 Plymouth
0-1 Anthony Patterson ('58 , sjálfsmark)
1-1 Wilson Isidor ('60 )
2-1 Trai Hume ('73 )
2-2 Nathanael Ogbeta ('90 )

West Brom 5 - 1 Portsmouth
1-0 Alex Mowatt ('25 )
2-0 Grady Diangana ('32 )
3-0 Jed Wallace ('37 )
4-0 Grady Diangana ('44 )
5-0 John Swift ('56 )
5-1 Thomas Waddingham ('90 )

Guðlaugur Victor og hans menn náðu í stig gegn Sunderland

Mynd: Getty Images

Stöðutafla

#	Lið	L	mun	Stig
1	Charlton Athletic	3	+3	9
2	Wolves	3	+5	7
3	Swansea	3	+4	7
4	QPR	3	+3	7
5	Middlesbrough	3	+2	6
6	Millwall	3	+1	6
7	West Brom	3	+1	6
8	Birmingham	3	+1	5
9	Watford	3	+1	5
10	Blackburn	3	0	4
11	Bolton	3	0	4
12	Bristol City	3	-1	4
13	Cardiff City	3	0	3
14	Sheffield Utd	3	0	3
15	Portsmouth	3	-1	3
16	Norwich	3	-1	3
17	Lincoln City	3	-2	3
18	Southampton	3	+5	2
19	Wrexham	3	-1	2
20	West Ham	3	-1	2
21	Derby County	3	-4	1
22	Burnley	3	-5	1
23	Preston NE	3	-4	0
24	Stoke City	3	-6	0