Landsliðsmaðurinn kom til Blackburn frá Gent í sumar og hafði komið við sögu í sex deildarleikjum.

Hann hefur komið sér vel fyrir í byrjunarliði Blackburn sem hefur gengið erfiðlega að ná í sigur en hann valdi rétta tímapunktinn til þess að skora því mark hans reyndist sigurmarkið í langþráðum sigri.

Staðan var 1-1 þegar fjórar mínútur voru eftir. Boltinn datt í teignum og liðsfélagi Blackburn náði skoti markið, en markvörður Southampton varði hann út á Andra sem skoraði af stuttu færi.

Fyrsta markið og mikilvægt var það. Blackburn kom sér upp úr fallsæti með sigrinum og er nú með 10 stig í 21. sæti deildarinnar.



Alfons Sampsted sat allan tímann á bekknum er Birmingham City tapaði fyrir Bristol City, 1-0. Willum Þór Willumsson var ekki með Birmingham vegna meiðsla en liðið er í 15. sæti með 15 stig eftir tólf umferðir.

Middlesbrough fór illa að ráði sínu gegn Hollywood-liði Wrexham en leikar enduðu 1-1. Josh Windass kom Wrexham yfir snemma leiks en Boro bjargaði stigi tíu mínútum fyrir lok venjulegs leiktíma.

Boro er í öðru sæti með 25 stig en Wrexham í 16. sæti með 14 stig.

Sheffield Wed 1 - 2 Oxford United
0-1 Will Lankshear ('12 )
0-2 Cameron Brannagan ('36 )
1-2 Sean Fusire ('53 )

Bristol City 1 - 0 Birmingham
1-0 Sinclair Armstrong ('42 )

Blackburn 2 - 1 Southampton
0-1 Leo Scienza ('23 )
1-1 Ryan Alebiosu ('76 )
2-1 Andri Gudjohnsen ('86 )
Rautt spjald: Welington, Southampton ('90)

Swansea 2 - 1 Norwich
1-0 Zan Vipotnik ('6 )
1-1 Jovon Makama ('42 )
2-1 Zan Vipotnik ('69 )

Hull City 1 - 1 Charlton Athletic
1-0 Joe Gelhardt ('46 )
1-1 Luke Berry ('90 )

Millwall 1 - 0 Leicester City
1-0 Femi Azeez ('44 )
1-0 Mihailo Ivanovic ('56 , Misnotað víti)

Derby County 1 - 0 QPR
1-0 Carlton Morris ('10 )

Middlesbrough 1 - 1 Wrexham
0-1 Josh Windass ('7 )
1-1 Hayden Hackney ('80 )