Fótbolti.net

Kristall Máni: Fer mér bara vel að vera óþolandi

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

lau 25. október 2025 16:41

Jóhann Þór Hólmgrímsson

Jón Þór: Alltof stór atvik í íslenskum fótbolta sem dómarastéttin er að klúðra

Mynd: Eva Rós Ólafsdóttir

Jón Þór Hauksson tók við Vestra eftir að Davíð Smári Lamude var látinn taka pokann sinn og ætlunarverkið var að halda liðinu uppi í Bestu deild. Það varrð að engu eftir stórt tap gegn KR í dag.

„Þungar, erfiðar og sárar (tilfinningar)," sagði Jón Þór eftir leikinn.

Lestu um leikinn: Vestri 1 - 5 KR

„Þetta fer frá okkur eftir 40 mínútur. Fyrir og eftir hléið gefum við mörkin aulalega frá okkur og eftir það reynum við að koma til baka, fjölga mönnum í sóknarleiknum en við einfaldlega réðum ekki við það. Varnarleikur einn á móti einum, vorum að tapa honum. KR-ignar frábærir í skyndisóknum og við réðum ekkert við það."

Guðmundur Andri Tryggvason kom KR yfir en stuttu síðar skoraði Vladimir Tufegdzic en markið var dæmt af vegna rangstöðu.

„Það er aldrei rangstaða. Mér fannst við gera það frábærlega. Það var högg að lenda undir í leiknum, mér fannst við bregðast frábærlega við því og gerum frábært mark sem er fullkomlega löglegt," sagði Jón Þór.

„Þetta eru alltof stór atvik í íslenskum fótbolta sem dómarastéttin er að klúðra. Við eigum að fá víti gegn KA fyrir tveimur umferðum síðan. Þetta er alltof stórt, ef ég tala fyrir sjálfan mig, endirinn á tímabilinu í fyrra með ÍA, þetta eru alltof stór atvik. Fokking gerið þið betur, hvernig getur hann flaggað á eitthvað sem er ekki. Ef hann sér það ekki hvernig getur hann þá flaggað á þetta. Það verður einhver að svara þessu og það þarf einhver að spurja þessara spurninga, hvað er í gangi? Þetta er alltof lélegt."

Svona stór atriði, öskrar þetta á VAR?

„Ég veit það ekki, bara gera betur. Þessir menn eru búnir að vera í þessu jafn lengi og við erum búnir að vera í fótbolta. Hver djöfullinn er þetta? Ógeðslega lélegt. Það breytir því ekki að skellurinn er stór, sár og vondur. Auðvitað getum við ekki sagt að við höfum tapað leiknum á því en þetta er risa fokking stórt móment," sagði Jón Þór.

Jón Þór staðfesti í lok viðtalsins að hann verði ekki áfram með Vestra og framhaldið hjá honum sjálfum er í óvissu.