Arnór Sigurðsson kom ekki við sögu í 1-1 jafntefli Malmö gegn Dinamo Zagreb í Evrópudeildinni á fimmtudaginn og verður ekki með í næstu leikjum liðsins vegna nýrra meiðsla.
Arnór hefur verið að glíma við mikið af meiðslum á upphafi tímabils og er búinn að missa af síðustu sjö leikjum Malmö í röð í öllum keppnum.
Núna virðist hann vera að berjast við sinameiðsli í hné og er ekki greint frá alvarleika meiðslanna. Ljóst er að sinameiðsli á hné geta haldið leikmönnum frá keppni í fleiri mánuði.
Arnór er 26 ára gamall og á rúmlega tvö ár eftir af samningi sínum við Malmö.
Athugasemdir
