Knattspyrnudeild Aftureldingar staðfesti í dag komu Gísla Martins Sigurðssonar frá Breiðabliki. Hann gerir tveggja ára samning við félagið.
Gísli Martin er uppalinn hjá Blikum en var á láni hjá Njarðvík í Inkasso-deildinni í sumar þar sem hann spilaði 13 leiki en hann spilaði þá með ÍR tímabilið á undan.
Hann er 21 árs gamall bakvörður en hann hefur æft með Aftureldingu síðustu daga og spilaði æfingaleik með liðinu á föstudag .
Gísli gerir tveggja ára samning við Aftureldingu en liðið hafnaði í 8. sæti Inkasso-deildarinnar með 23 sig.
Hann er fyrsti leikmaðurinn sem Afturelding fær síðan Magnús Már Einarsson tók við þjálfun liðsins en Enes Cogic mun aðstoða hann á komandi tímabili.
Athugasemdir