Það var vitað fyrir leikinn að jafntefli eða sigur kæmi Inter í frábæra stöðu fyrir síðustu fjórar umferðirnar og stefndi allt í góðan sigur.

Marcus Thuram og Yann Bisseck komu liðinu í 2-0. Thuram skoraði á 23. mínútu með skalla eftir fyrirgjöf frá Federico Dimarco sem var hans sautjánda stoðsending á tímabilinu. Sögulegt hjá Dimarco sem setti nýtt stoðsendingamet í deildinni.

Yann Bisseck stangaði hornspyrnu Di Marco í netið á 61. mínútu með átjándu stoðsendingu sinni. Ótrúlegt tímabil ítalska bakvarðarins.

Þessi forysta var ekki nóg gegn heimamönnum í Torino sem jöfnuðu metin á níu mínútum. Giovanni Simeone minnkaði muninn á 70. mínútu jafnaði Króatinn Nikola Vlasic með marki úr vítaspyrnu á 79. mínútu.

2-2 jafntefli staðreynd en Inter er áfram á toppnum með 79 stig, tíu stigum meira en Napoli sem er í öðru sæti. Í næstu umferð getur Inter tryggt sér titilinn með sigri á Parma eftir viku.

Mikael Egill Ellertsson sneri aftur úr leikbanni með Genoa sem tapaði fyrir Como, 2-0, á heimavelli. Grikkinn Anastasios Douvikas og Senegalinn Assane Diao skoruðu mörk Como í leiknum.

Como hefur ekki gefist upp á draumnum um að komast í Meistaradeildina á næsta ári, en liðið er með 61 stig, tveimur stigum frá Juventus sem er í 4. sætinu. Mikael og félagar eru á meðan í 14. sæti með 39 stig.

Torino 2 - 2 Inter
0-1 Marcus Thuram ('23 )
0-2 Yann Bisseck ('61 )
1-2 Giovanni Simeone ('70 )
2-2 Nikola Vlasic ('79 , víti)

Genoa 0 - 2 Como
0-1 Anastasios Douvikas ('10 )
0-2 Assane Diao ('68 )

Smelltu hér til að kaupa áskrift að Livey