Brasilíska stórstjarnan Neymar kveðst vera sorgmæddur yfir því að landi hans, Lucas Paqueta, hafi verið spjaldaður fyrir brellubrögð á dögunum.
Brasilískur fótbolta snýst að miklu leyti um fegurð og að hafa leikinn skemmtilegan. Innifalið í því eru brellur og fleira skemmtilegt.
Paqueta, sem leikur með Lyon í Frakklandi, ákvað að gera brellu í leik gegn Troyes - svokallað 'regnbogaflikk' - og var mótherjanum ekki skemmt. Hann gerði þetta í uppbótartíma og var hann spjaldaður fyrir.
Neymar, sem er þekktur fyrir leikni sína og tækni, kom félaga sínum til varnar. Hann skilur ekki af hverju hann var spjaldaður.
„Þetta er mjög sorglegt... það gerðist það sama við mig á síðustu leiktíð... ég skil ekki ástæðurnar. Fallegi leikurinn er á enda," skrifaði Neymar á samfélagsmiðlum.
Neymar var spjaldaður í 5-0 sigri í fyrra fyrir að gera það sama.
Lucas Paquetá booked for attempting a rainbow flick.
— Big H. (@Hxnz99) September 23, 2021
The beautiful game is gone.
pic.twitter.com/uPMTX3C2jR
Athugasemdir