CSKA Moskva 5 - 1 Arsenal Tula
1-0 F. Chalov ('45, víti)
2-0 Nikola Vlasic ('50)
3-0 Nikola Vlasic ('58)
3-1 L. Djordjevic ('78)
4-1 Arnór Sigurðsson ('86)
5-1 I. Oblyakov ('87)

Hörður Björgvin Magnússon var í byrjunarliði CSKA Moskvu sem tók á móti Arsenal Tula í rússneska boltanum í dag. Arnór Sigurðsson byrjaði á bekknum.

Heimamenn í CSKA voru með stjórn á leiknum en áttu erfitt með að skapa sér færi, þar til Fedor Chalov skoraði úr vítaspyrnu skömmu fyrir leikhlé.

Mark Chalov opnaði lið gestanna og náði Nikola Vlasic, fyrrum miðjumaður Everton, að skora tvisvar snemma í síðari hálfleik.

Gestirnir náðu að minnka muninn og fékk Arnór að spreyta sig skömmu síðar. Sjö mínútum síðar var Arnór búinn að skora eftir sendingu frá Vlasic og staðan orðin 4-1.

Heimamenn áttu eftir að bæta einu marki við leikinn og urðu lokatölur 5-1. CSKA hefur farið vel af stað á nýju tímabili og var þetta þriðji sigur liðsins í röð. CSKA er í öðru sæti deildarinnar, tveimur stigum eftir nágrönnum sínum í Spartak.

Það getur tekið tíma fyrir stöðutöfluna að uppfærast.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit