Fotbolti.net
26.12.18 - 14:20
Guðmundur Aðalsteinn Ásgeirsson

England: Jafnt í nýliðaslag - Fulham af botninum

England: Jafnt í nýliðaslag - Fulham af botninum
Canon

Mynd: Getty Images

<b>Fulham 1 - 1 Wolves</b>
1-0 Ryan Sessegnon ('74 )
1-1 Romain Saiss ('85 )
Fyrsti leikur dagsins í ensku úrvalsdeildinni var að klárast. Það var nýliðaslagur Fulham og Wolves.

Það var ekkert mark skorað í fyrri hálfleiknum. Aleksandar Mitrovic, sóknarmaður Fulham, átti sjö skot en ekkert þeirra rataði inn í netið, en það er metið í einum hálfleik í ensku úrvalsdeildinni á þessu tímabili.

Á 67. mínútu kom hinn efnilegi Ryan Sessegnon inn á hjá Fulham. Sessegnon hefur verið að glíma við meiðsli og byrjaði því þennan leik á bekknum. Á 74. mínútu var Sessegnon búinn að skora fyrsta mark leiksins fyrir Fulham. Markið var ekki það fallegasta en öll mörk telja.

Fulham náði ekki að halda út, leikmenn Fulham féllu aftar á völlinn og þegar fimm mínútur voru til leiksloka jafnaði Romain Saiss fyrir gestina í Wolves. Aftur var markið ekki það fallegasta en það telur samt sem áður.

Fulham komst nálægt því að komast aftur yfir í uppbótartímanum en Conor Coady bjargaði á línu eftir tilraun Aleksandar Mitrovic.

Lokatölur 1-1 og Fulham er komið af botninum með einu stigi meira en Huddersfield sem heimsækir Manchester United á eftir. Wolves er í níunda sæti með 26 stig.

Klukkan 15:00 hefjast sex leikir. Smelltu hér til að sjá byrjunarliðin fyrir þessa leiki.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.