Viðar var nálægt því að skora gegn Mexíkó.
Viðar Örn Kjartansson komst nálægt því að skora í leiknum gegn Mexíkó á föstudagskvöld en hann skaut þá í slána. Viðar vonast til að komast á blað gegn Perú í kvöld.
„Þetta hefur verið svolítið mikið stöngin út hjá mér í landsliðinu og það hefði gefið mér mikið (að skora), sjálfstraust og annað. Þetta er svekkjandi en þetta nálgast og maður verður bara að nýta næsta færi," segir Viðar.
Það er hörð barátta um að komast með til Rússlands. Hvernig metur Viðar þessa baráttu?
„Við erum með fullt af góðum leikmönnum en það eina sem ég get gert er að pæla í sjálfum mér. Ég þarf að sýna þjálfaranum að ég sé nægilega góður til að vera þarna. Ég tel mína mögulega mína fína eins og möguleika annarra."
Leikur Íslands og Perú verður á miðnætti í kvöld en viðtalið við Viðar má sjá í heild sinni í sjónvarpinu hér að ofan.
