HK er í öðru sæti Lengjudeildarinnar en liðið vann 3-1 sigur gegn Kórdrengjum. Stefán Ingi Sigurðarson skoraði tvívegis í leiknum og Valgeir Valgeirsson er einnig í úrvalsliðinu eftir frábæra frammistöðu.

Fylkismenn sem eru í þriðja sæti gerðu góða fer á Seltjarnarnesið og unnu 5-2 útisigur gegn Gróttu. Ólafur Kristófer Helgason markvörður Fylkis var valinn maður leiksins og þá er Þórður Gunnar Hafþórsson einnig í liðinu en hann var meðal markaskorara.

Vestri náði að tengja saman sigra með því að vinna endurkomusigur gegn Grindavík 2-1. Gunnar Heiðar Þorvaldsson er þjálfari umferðarinnar en þetta var fyrsti tapleikur Grindvíkinga í sumar. Elmar Atli Garðarsson skoraði sigurmarkið í leiknum og Sergine Fall er einnig í úrvalsliðinu.

Andy Pew er í liðinu eftir 1-1 jafntefli gegn KV í botnbaráttuslagnum og þá er Afturelding með tvo fulltrúa eftir öflugan 4-1 sigur gegn Þór. Aron Elí Sævarsson átti magnaðan leik í vinstri bakverðinum, skoraði tvö mörk og bjó að auki til fjórða markið. Pedro Vazquez var síógnandi og er einnig í úrvalsliðinu.

Síðar í dag verður opinberað hver er leikmaður umferðarinnar.

Sjá einnig:
Leikmaður 7. umferðar - Bruno Soares (HK)
Leikmaður 6. umferðar - Björn Axel Guðjónsson (KV)
Leikmaður 5. umferðar - Benedikt Daríus Garðarsson (Fylkir)
Leikmaður 4. umferðar - Kjartan Kári Halldórsson (Grótta)
Leikmaður 3. umferðar - Þórir Rafn Þórisson (Kórdrengir)
Leikmaður 2. umferðar - Dofri Snorrason (Fjölnir)
Leikmaður 1. umferðar - Luke Rae (Grótta)