Bristol City er með fullt hús stiga eftir þrjár umferðir af ensku Championship deildinni. Það er ljóst eftir 2-0 sigur á Sheffield Wednesday í dag.

Þeir Tommy Rowe og Jamie Paterson skoruðu mörkin í seinni hálfleik, mark Paterson kom á 92. mínútu leiksins. Liðið er með níu stig líkt og Reading.

Í fjórða sæti er svo Bournemouth með sjö stig. Bournemouth tók á móti Norwich í dag og skoraði Arnaut Danjuma eina mark leiksins. Leikurinn var uppgjör milli tveggja liða sem féllu úr úrvalsdeildinni í sumar.

Þremur umferðum í Championship deildinni er nú lokið.