Heimild: mbl.is | Århus Stiftstidende
Jón Dagur Þorsteinsson, leikmaður AGF, er svo sannarlega umtalaður í danska boltanum en Århus Stiftstidende birti áhugaverða grein um íslenska landsliðsmanninn.
Fjallað er um að meðal samherja og stuðningsmanna AGF sé Jón Dagur feikilega vinsæll. Oliver Lund samherji hans talar um hversu öflugur Jón Dagur er með boltann og hættulegur í stöðunni einn gegn einum. Hann sé klókur, með mikla tækni og sköpunarmátt sem geri andstæðingum erfitt fyrir.
En Jón Dagur hefur einnig fengið talsverða gagnrýni og verið sakaður um leikaraskap. Kenneth Emil Petersen, sparkspekingur í danska sjónvarpinu, segir að Jón Dagur sé mest pirrandi leikmaður deildarinnar.
Fjallað er um að meðal samherja og stuðningsmanna AGF sé Jón Dagur feikilega vinsæll. Oliver Lund samherji hans talar um hversu öflugur Jón Dagur er með boltann og hættulegur í stöðunni einn gegn einum. Hann sé klókur, með mikla tækni og sköpunarmátt sem geri andstæðingum erfitt fyrir.
En Jón Dagur hefur einnig fengið talsverða gagnrýni og verið sakaður um leikaraskap. Kenneth Emil Petersen, sparkspekingur í danska sjónvarpinu, segir að Jón Dagur sé mest pirrandi leikmaður deildarinnar.
„Það eru bara stuðningsmenn AGF sem standa með honum. Allir aðrir eru búnir að fá nóg af Jóni því hann fer í taugarnar á mönnum. Ég var sjálfur leikmaður sem margir þoldu ekki en ég kemst ekki með tærnar þar sem hann er með hælana. Öll hans framkoma inni á vellinum er á þann veg," sagði Petersen á TV3 en mbl.is fjallaði um dönsku greinina.
Haft er eftir Jón Degi sjálfum að hann vilji gjarnan taka leikaraskapinn út úr sinni spilamennsku, hann hafi í leiknum gegn Silkeborg á dögunum of mikið reynt að ná í vítaspyrnu.
„Ég reyndi of mikið að ná í vítaspyrnu í leiknum við Silkeborg. Ég hélt að það yrði snerting og datt of snemma. Í annað skipti bjóst ég líka við snertingu og þar sem ég var orðinn þreyttur, á lokamínútum leiksins, lét ég mig detta. Þegar ég fer yfir strikið er ég fyrstur til að viðurkenna það. Og þarna fór ég yfir strikið. Það er hluti af fótboltanum að gera stundum hluti sem maður ætti ekki að gera og maður verður að taka afleiðingunum af því. Ég vil gjarna hætta þessu," sagði Jón Dagur við Århus Stiftstidende.
AGF mætir SönderjyskE í dag og getur með sigri komist upp í sjöunda sæti dönsku úrvalsdeildarinnar.
Athugasemdir