Nicklas Bendtner mun taka þátt í dönskum raunveruleikaþætti ásamt kærustu sinni, Philine Roepstorff.
Þættirnir heita ‘Bendtner and Philine’ og verða sýndir á Dplay, Discovery Networks.
Þættirnir heita ‘Bendtner and Philine’ og verða sýndir á Dplay, Discovery Networks.
Þættirnir munu fjalla um Bendtner, sem þarf að taka stóra ákvörðun á ferlinum, og Philine sem er módel og ferðast um heiminn, og þeirra samband.
Bendtner er félagslaus eftir stutta dvöl hjá FC Kaupmannahöfn. Danski sóknarmaðurinn var fjóra mánuði hjá FCK. Hann náði aðeins að leika níu leiki, samtals 406 mínútur. Eina mark hans var í bikarleik gegn Nordsjælland.
Bendtner leggst nú undir feld og skoðar möguleika sína, en hann hefur meðal annars íhugað að leggja skóna á hilluna.
Hinn 32 ára gamli Bendtner hefur meðal annars leikið fyrir Arsenal á ferli sínum og þá á hann yfir 80 landsleiki fyrir Danmörku.
Athugasemdir