Ekstrabladet er að uppljóstra um 50 launahæstu leikmenn dönsku úrvalsdeildarinnar.

Jón Dagur er þar númer 43 en hann er á mála hjá AGF í Árósum.

AGF er sem stendur í þriðja sæti dönsku úrvalsdeildarinnar en liðið á leik gegn FC Kaupmannahöfn í dag. FCK, sem er í fjórða sæti, á átta af tíu launahæstu leikmönnum deildarinnar. Jón Dagur er í byrjunarliði AGF í dag.

Jón Dagur gekk í raðir AGF frá Fulham á Englandi í júní 2019. AGF samdi við hann eftir að hann hafði staðið sig vel á láni hjá danska liðinu Vendsyssel. Hann er búinn að eiga mjög gott tímabil með AGF og skorað fimm mörk í 17 deildarleikjum.

Jón Dagur á að baki sex A-landsleiki fyrir Ísland og eitt landsliðsmark.