Arnar Þór Viðarsson
Arnar Þór Viðarsson, landsliðsþjálfari, er ósáttur við ummæli fyrrum landsliðsþjálfarans Guðjóns Þórðarsonar í hlaðvarpsþættinu Mike Show í gær.
Guðjón sagði þar að Gylfi Þór Sigurðsson væri fjarverandi í íslenska landsliðshópnum þar sem hann sagðist hafa heyrt að það væri ágreiningur á milli Gylfa og Eiðs Smára Guðjohnsen aðstoðarþjálfara íslenska landsliðsins.
Guðjón sagði þar að Gylfi Þór Sigurðsson væri fjarverandi í íslenska landsliðshópnum þar sem hann sagðist hafa heyrt að það væri ágreiningur á milli Gylfa og Eiðs Smára Guðjohnsen aðstoðarþjálfara íslenska landsliðsins.
„Ég held að það lýsi sér bara best hvar þessi umræða fer fram og hvernig hún fer fram," sagði Arnar í viðtali við Fótbolta.net í Armeníu í dag.
„Ég ber mikla virðingu fyrir Guðjóni Þórðarsyni sem þjálfara en ég ber enga virðingu fyrir svona ummælum. Þetta er gjörsamlega út í hött. Þau eru ósönn."
„Ef ég á að vera alveg hreinskilinn þá finnst mér þetta lélegt hjá manni sem hefur verið landsliðsþjálfari Íslands og veit hvað það er mikilvægt að við stöndum saman í þessu, ekki bara leikmennirnir og starfsfólkið heldur fjölmiðlamenn og allir Íslendingar. Við getum ekki náð árangri nema við stöndum öll saman, við erum lítil þjóð. Svona umræða út í bæ, ég ber enga virðingu fyrir henni."
Lengra viðtal við Arnar birtist á Fótbolta.net síðar í dag.
Athugasemdir
