Sveinn Sigurður Jóhannesson, varamarkvörður Vals, var fjarri góðu gamni í 4-0 sigrinum á HK í gær.
Sveinn Sigurður er kominn í sóttkví og verður einnig fjarverandi gegn ÍA á föstudag og Víkingi R. í næstu viku.
Sveinn Sigurður er kominn í sóttkví og verður einnig fjarverandi gegn ÍA á föstudag og Víkingi R. í næstu viku.
„Ég held að hann sé í sóttkví og verði það næstu tólf dagana," sagði Heimir Guðjónsson, þjálfari Vals, eftir leikinn gegn HK í gær.
Smit greindist hjá leikmanni Stjörnunnar fyrir helgi og allt liðið þar er í sóttkví.
Þá er Jón Arnar Barðdal, leikmaður HK, einnig í sóttkví en hann spilaði ekki gegn Val í gær.
Smit hafa einnig greinst hjá Breiðabliki og Fylki í Pepsi Max-deild kvenna.
Athugasemdir