Joao Felix byrjar tímabilið af krafti með sádi arabíska félaginu Al-Nassr. Þessi 25 ára gamli Portúgali skoraði þrennu í fyrsta deildarleiknum eftir komuna frá Chelsea í sumar.
Felix komst á blað fyrr í þessum mánuði þegar hann skoraði í sigri gegn Al-Ittihad í undanúrslitum Ofurbikarsins.
Hann skoraði þrennu á útivelli gegn Al-Taawon í fyrstu umferð deildarinnar í kvöld. Kingsley Coman skoraði sitt fyrsta mark fyrir liðið eftir komuna frá Bayern. Þá skoraði Cristiano Ronaldo eitt mark úr víti í 5-0 sigri.
Joshua King, fyrrum leeikmaður Bournemouth, Everton og Watford skoraði tvennu í 4-1 sigri Al-Khaleej gegn Al-Shabab en Yannick Carrasco fyrrum leikmaður Atletico Madrid skoraði mark Al-Shabab.
Joao Cancelo, Kalidou Koulibaly, Joao Neves, Sergej Milinkovic-Savic og Darwin Nunez voru í byrjunarliði Al-Hilal sem vann Al-Riyadh 2-0.
Athugasemdir
